#قصيدة “إنت اللي سامحنا”

#قصيدة

“إنت اللي سامحنا”

عبدالحكيم سويد

الله يسامحك ياحاج ماهو دنبك ..

هذا قضاء الله طمن قلبك ..

انت اللي سامحنا ..

بعتنا خفيف العقل بيك فضحنا..

ماكان لازم صورتك تدبحنا

ولا كان  فعل الجهل  زاد جرحنا ..

الله يسامحك يابونا ..

عقاب وقت شفنا هم اللي حكمونا ..

ولاد كلب حاش السامعين  خدونا ..

وباعوا وطنا وصفقوا وباعونا ..

نبيعوا فداك  العمر..

ولو في سنين الجمر

ويشفيك ربي من وباء العصر ..

الله يسامحك ياحاج طمن قلبك ..

هذا قضاء الله ماهو ذنبك