كالعادة أغلب الحالات بعد الإفطار على طول يجوك يشكو من آلام في المعدة واضطرابات في القولون، وأني بديت نفوت في التاريخ المرضي وكل الأسئلة المهمة ونسأله طول ..
– يا دكتور والله ما كثرت راهو “ضروري يقولك ما كلاش هلبا” !!
– اول حاجة فطرت على تمر وحليب وشوية حلويات ..
– سبعة ثمرات مع شوية بسيسة وطاستين حليب وطرفين بكلاوة وشامية
– بعدين خشينا عالثقيل يا دكتور ، شربة وكسكسي وشوية مشقشقات
– طريفات بوريك ومبطن وبيتزا وبراك وحاجات ثانية مدايرينهم البنات مانعرفش شنو يقولولهم !
– ماهو قلتلك ما كترتش يا دكتور ، طريف ولا طريفين من كل حاجة !!
هذا عينة من المرضى/ وطبعاً أني نقعد مستغرب كيف هو مقتنع فعلاً أنه مش مثقل في الأكل !
وللأسف معظمنا هكي .. مهما تحاول تفهمه أن معدته صايمة وشبه واقفة 16 ساعة وبعدين يجي يخلعها بالبراك والمبطن والعصبان وجميع أنواع المقليات والمشويات والبهارات، ضروري ما تضطرب وتتلخبط وتنتفخ وتخش بعضها الحكاية .. وبرضو ما يقتنعش !!
يقعد يقولك لا هادي أول مرة تصيرلي ،، وأني من زمان معدتي تتعب في رمضان بس ! ويبدأ يطلع في أعذار أخرى .
بالله عليكم يا ناس أرحموا بطونكم شوية ، مش هكي الصيام راهو !
من عيادة الدمتور عادل الحويرسي
د.علي المبروك أبوقرين تشهد الخدمات الصحية تحول متسارع تفرضه التطورات التقنية والتكنولوجية والتحديات الصحية ،…
شهد قصر درغوت بالمدينة القديمة (دار كريستا سابقاً) مساء اليوم السبت الموافق 22 فبراير 2025م…
د.علي المبروك أبوقرينتحتفل مدينة بنغازي العامرة بأهلها الطيبين ومشاريعها المتلاحقة بافتتاح الملعب الرياضي الرئيسي بعد…
د.علي المبروك أبوقرين لحماية صحة وحياة الناس ، وتخفيفا على كاهل المواطنين والمرضى وذويهم ،…
د.علي المبروك أبوقرين الإعلام الطبي والصحي له دور مهم وأساسي في التوعية المجتمعية ، ونشر…